Ecce panis Angelorum
Factus cibus viatórum:
Vere panis filiorum,
Non mittendus canibus.
In figuris praesignatur:
Cum Isaac immolatur,
Agnus Paschae deputatur,
Datur manna patribus.
Bone Pastor, Panis vere,
Jesu, nostri miserere,
Tu nos pasce, nos tuere,
Tu nos bona fac videre
In terra viventium.
Tu, qui cunta scis et vales,
Qui nos pascis hic mortales,
Tuos ibi commensales;
Coheredes et sodales
Fac sanctorum civium. Amen.