1. Fons, Christe, vitae pérpetis,
quo vita quaevis défluit,
tu septa mortis cónteris,
vitámque rursus íntegras.
2. Vitam datúrus éxilis
coeli e beátis sédibus,
et áffatim mortálibus,
praebes hiánti péctore.
3. Tu mystico nos ínseris,
aqua renátos, córpori,
diáque ditas grátia
e rívulo septémplici.
4. Sic nostra, patris crímine,
natúra, primi sáucia,
sanctis novátur móribus,
coeli merétur praémia.
5. Pax inde gentes prósperat,
concors vigéscit cívitas,
arridet innocéntia
doméstico sub téctulo.
6. Aetérna, Jesu, Véritas,
qua dúcimur, qua vívimus,
Patri, tibi, Paráclito,
honor, potéstas, glória. Amen.