Litaniae Lauretanae

Kyrie, eléison.
Kyrie, eléison.

Christe, eléison.
Christe, eléison.

Kyrie, eléison.
Kyrie, eléison.

Christe, audi nos.
Christe, audi nos.

Christe, exáudi nos.
Christe, exáudi nos.

Pater de coelis, Deus,
miserére nobis.

Fili, Redémptor mundi, Deus,
miserére nobis.
Spiritus Sancte Deus,
miserére nobis.
Sancta Trínitas, unus Deus,
miserére nobis.

Sancta Maria,
ora pro nobis.
Sancta Dei Génitrix,
ora pro nobis.
Sancta Virgo virginum,
ora pro nobis.
Mater Christi,
ora pro nobis.
Mater Ecclesiae,
ora pro nobis.
Mater Misericordiae,
ora pro nobis.
Mater Divínae grátiae,
ora pro nobis.
Mater spei,
ora pro nobis.
Mater puríssima,
ora pro nobis.
Mater castíssima,
ora pro nobis.
Mater invioláta,
ora pro nobis.
Mater intemeráta,
ora pro nobis.
Mater amábilis,
ora pro nobis.
Mater admirábilis,
ora pro nobis.
Mater boni Consílii,
ora pro nobis.
Mater Creatóris,
ora pro nobis.
Mater Salvatóris,
ora pro nobis.
Virgo prudentíssima,
ora pro nobis.
Virgo veneránda,
ora pro nobis.
Virgo praedicánda,
ora pro nobis.
Virgo potens,
ora pro nobis.

Virgo clemens,
ora pro nobis.
Virgo fidélis,
ora pro nobis.

Spéculum iustítiae,
ora pro nobis.
Sedes sapiéntiae,
ora pro nobis.
Causa nostrae laetítiae,
ora pro nobis.
Vas spirituále,
ora pro nobis.
Vas honorábile,
ora pro nobis.
Vas insígne devotiónis,
ora pro nobis.
Rosa mystica,
ora pro nobis.
Turris Davídica,
ora pro nobis.
Turris ebúrnea,
ora pro nobis.
Domus aurea,
ora pro nobis.
Foéderis arca,
ora pro nobis.
Iánua coeli,
ora pro nobis.
Stella matutína,
ora pro nobis.
Salus infirmórum,
ora pro nobis.
Refúgium peccatórum,
ora pro nobis.
Solacium migrantium,
ora pro nobis.
Consolátrix afflictórum,
ora pro nobis.
Auxilium Christianórum,
ora pro nobis.

Regína Angelórum,
ora pro nobis.
Regína Patriarchárum,
ora pro nobis.
Regína Prophetárum,
ora pro nobis.
Regína Apostolórum,
ora pro nobis.

Regína Mártyrum,
ora pro nobis.
Regína Confessórum,
ora pro nobis.
Regína Vírginum,
ora pro nobis.
Regína Sanctórum ómnium,
ora pro nobis.
Regína sine labe originali concépta,
ora pro nobis.
Regína in coelum assúmpta,
ora pro nobis.
Regína Sacratissimi Rosárii,
ora pro nobis.
Regina familiae,
ora pro nobis.
Regína pacis,
ora pro nobis.

Agnus Dei, qui tollis peccáta mundi,
parce nobis, Dómine.
Agnus Dei, qui tollis peccáta mundi,
exáudi nos, Dómine.
Agnus Dei, qui tollis peccáta mundi,
miserére nobis.

℣. Ora pro nobis, sancta Dei Génitrix.
℟. Ut digni efficiámur promissiónibus Christi.

Orémus.

Concéde nos fámulos tuos, quaésumus, Dómine Deus, perpétua mentis et córporis sanitáte gaudére: et, gloriósa beátae Maríae semper Vírginis intercessióne, a praesénti liberári tristítia, et aetérna pérfrui laetítia. Per Christum Dóminum nostrum. Amen.