Chorus:
Roráte, coeli, désuper,
Et nubes pluant Justum.
Ne irascáris, Dómine,
Ne ultra memíneris iniquitátis:
Ecce cívitas Sancti facta est desérta:
Sion desérta facta est:
Jerúsalem desoláta est:
Domus sanctificationis tuae et glóriae tuae.
Ubi laudaverunt te patres nostri.
Chorus.
Peccávimus, et facti sumus
tamquam immúndus, nos.
Et cecídimus quasi fólium univérsi;
Et iniquitátes nostrae quasi ventus
abstulérunt nos:
Abscondísti fáciem tuam a nobis,
Et allisísti nos in manu iniquitátis nostrae.
Chorus.
Vide, Dómine, afflictiónem pópuli tui,
Et mitte quem missúrus es:
Emítte Agnum dominatórem terrae,
De petra desérti ad montem filiae Sion.
Ut áuferat ipse jugum captivitátis nostrae.
Chorus.
Consolámini, consolámini, pópule meus:
Cito véniet salus tua.
Quare moeróre consúmeris,
quia innovávit te, dolor?
Salvabo te, noli timére,
Ego enim sum Dóminus Deus tuus,
Sanctus Israel, redémptor tuus.
Chorus.